Цаг уурын байгууллагын ирүүлсэн мэдээгээр өнөөдрөөс эхлэн ихэнх нутгийг хамарсан цас орох төлөвтэй байна. Тодруулбал 12 дугаар сарын 17 буюу өнөөдөр нутгийн баруун хагаст, 18-нд нутгийн төв хэсгээр, 19-нд төв болон говийн аймгуудын нутгийн зүүн хэсгээр цас орохоор байгаа гэнэ. 

Цас орох үеэр зам даваа, гүвээнд халтиргаа гулгаа үүсэж, үзэгдэх орчин хязгаарлагдаж болзошгүй байгааг мэргэжлийн байгууллагаас анхааруулж байна. 

Малчид малаа ойр бэлчээх, бага насны хүүхэд болон ахмад настай хүнийг малд явуулахгүй байх, хот хооронд яваа тээврийн хэрэгслүүд баталгаат зам гүүрээр зорчих, шатахууны нөөц болон бусад бэлэн байдлыг хангаж явахыг санууллаа.