Дорнод аймгийн Баянтүмэн сумын нутагт хээрийн түймэр гарчээ. Тодруулбал сумын төвөөс зүүн урд зүгт "Сүүл өндөр уул" гэдэг газарт хээрийн гал түймэр гарсан тухай дуудлага энэ сарын 15-ны өдөр Онцгой байдлын албанд ирсэн байна.
Дуудлагын дагуу аймгийн Онцгой байдлын газрын Аврах ангийн алба хаагчид, Баянтүмэн сумын Мэргэжлийн ангийн алба хаагчид, орон нутгийн иргэд ажиллаж, тухайн өдрийн 21:03 цагт хээрийн гал түймрийг бүрэн унтраажээ. Хээрийн түймэрт урьдчилсан байдлаар 7,000 га орчим талбай өртсөн байна.