Өнөөдөр буюу энэ сарын 10-ны өдөр баруун аймгуудын нутгаар цас орж, хүйтний эрч чангарна. Харин маргааш буюу энэ сарын 11-нд баруун, төв, говийн аймгуудын нутгаар цас орох төлөвтэй байна. 

Салхи нутгийн баруун хагаст баруун өмнөөс, зүүн хагаст баруун хойноос секундэд 5-10 метр, зүүн аймгуудын нутгаар зарим үед секундэд 14-16 метр хүрч ширүүснэ.

Цас орсны улмаас зав даваанд халтиргаа гулгаа үүсэх магадлалтай тул хот хооронд зорчиж яваа иргэд тээврийн хэрэгслийн бүрэн бүтэн байдлыг хангах, баталгаатай замаар зорчихыг анхааруулж байна. 

Мөн малаа хол бэлчээхгүй байх бага насны хүүхэд болон настай хүнийг малд явуулахгүй, цаг агаарын мэдээг тогтмол авч байхыг мэргэжлийн байгууллагаас анхаарууллаа.