Pubgmobile спортын PMGC буюу Дэлхийн аварга шалгаруулах тэмцээний финалын шатны тоглолтууд өнөөдөр эхэлнэ. Финалын шатанд дэлхийн шилдэг 48 багаас шалгарч үлдсэн 16 баг аваргын цомын төлөө өрсөлдөх юм. 

Дэлхийн аварга шалгаруулах тэмцээний финалын шатанд  Монгол Улсаас 4MV, Falcons Force багууд оролцож байгаа. Falcons Force багийн хувьд өмнө нь STE нэрээр гурван удаагийн Дэлхийн аваргын финалын шатанд тоглосон ба сүүлийн дөрвөн жил дараалан финалын шатанд өрсөлдөж байна. Тэд энэ хугацаанд 2021 онд долдугаар байр, 2022 онд дөрөвдүгээр байр, 2023 онд хоёрдугаар байрт шалгарсан амжилтыг үзүүлсэн. 

Харин 4MV багийн хувьд хоёр дахь удаагаа Дэлхийн аваргын финалын шатанд оролцож байна. Тэд өнгөрөгч жилийн Дэлхийн аваргын финалын шатанд өрсөлдөж дөрөвдүгээр байрт шалгарсан юм.