Өмнөговь аймгийн Баян-Овоо суманд 3,8 магнитудын хүчтэй газар хөдлөлт болжээ. Тодруулбал сумын төвөөс баруун хойд зүгт 51 км, Цогтцэций сумын төвөөс зүүн урд зүгт 44 км-ын зайд  өглөөний 05:58:01 цагт 3.8 магнитудын хүчтэй газар хөдлөлт болсон тухай мэдээллийг Одон орон гиофизикийн хүрээлэнгээс ирүүлсэн байна. 

Аймгийн Онцгой байдлын газраар дамжуулан Баян-Овоо сумын Засаг даргын Тамгын газрын дарга, тухайн газар нутагладаг малчин, Цогтцэций сумын Засаг дарга, Засаг даргын Тамгын газрын дарга нараас тодруулахад газар хөдлөлтийн чичирхийлэл иргэдэд мэдрэгдээгүй бөгөөд учирсан хохиролгүй тухай мэдээлсэн.