Цаг уурын өртөө, харуулын цасны зузааны мэдээгээр ихэнх нутгаар 0-22 см зузаан цасан бүрхүүл тогтжээ. Үүнээс хамгийн их нь Баянхонгорын Гурванбулагт 22 см, Ховдын Дарвид 16 см, Баянхонгорын Баянговь, Хэнтийн Баян-Адаргад 12 см, Баян-Өлгийн Сагсай, Баянхонгорын Жаргалантад 11 см, Баянбулаг, Завханы Цагаанчулуут, Өвөрхангайн Богд, Булганы Бүрэгхангайд 10 см, бусад хэсгээр 0-9 см цасан бүрхүүл тогтсон байна.

Өнгөрөгч долоо хоногоос хүйтний эрч чангарч эхэлсэн ба Завханы аймгийн Отгон суманд шөнөдөө -34,6 градустай байжээ. Харин өдрийн агаарын хэм Өмнөговийн Баян-Овоо суманд +10.1 градус байсан аж.