Pubgmobile спортын PMGC буюу Дэлхийн аварга шалгаруулах тэмцээний финалын шатанд Монгол Улсын төлөөлөл 4MV баг өрсөлдөхөөр болжээ. Финалын шатанд өрсөлдөх Brute Force баг визний асуудлаас болоод оролцох боломжгүй болсон тул дүрмийн дагуу Last Chance шатанд долдугаар байр эзэлсэн багт дараагийн эрхийг шилжүүлж байгаа юм. 

Ингэснээр 2024 оны Дэлхийн аварга шалгаруулах тэмцээнд Монгол Улсаас 4MV, Falcons Force багууд оролцохоор боллоо. 4MV багийн хувьд өнгөрөгч жил буюу 2023 онд анх удаа PMGC-д оролцож дөрөвдүгээр байрт шалгарсан юм. 

Дэлхийн аваргын финалын шатны тоглолт Лондон хотноо ирэх энэ сарын 6-8-нд болж аваргаа тодруулах юм.