Pubgmobile спортын PMGC буюу Дэлхийн аварга шалгаруулах тэмцээний Survival Stage болон Last Chance шатны тоглолтууд өчигдөр дуусаж финалын шатанд өрсөлдөх шилдэг 16 баг тодорлоо. 

Last Chance шатны тоглолтод Монгол Улсын төлөөлөл STE, 4MV, Falcons Force багууд оролцсон. Falcons Force баг 141 оноотойгоор тэргүүлж финалын шатанд өрсөлдөх эрхээ авсан бол  4MV долоо, STE 11 дүгээр байранд шалгарснаар тэмцээнээ өндөрлүүллээ. 

Falcons Force багийн хувьд өнгөрсөн жилийн Дэлхийн аваргад хоёрдугаар байр эзэлсэн. Дэлхийн аваргын финалын шатны тоглолт Лондон хотноо ирэх 12 дугаар сарын 6-8-нд болж аваргаа тодруулах юм.