Монгол улсын шигшээ баг “FIBA Asia Cup 2025 Qualifiers” тэмцээний хэсгийн тоглолтоо өчигдөр буюу энэ сарын 21-нд Японы шигшээ багийн эсрэг хийлээ. Хоёр багийн тоглолт 93-75 харьцаатайгаар өндөрлөж Японы шигшээ баг нэг ч ялагдалгүй тоглолтоо үргэлжлүүлж байна. Шигшээ багийн бүрэлдэхүүнээс А.Энхбаясгалан 26 оноо, О.Эрдэнэцогт 16 оноо авч багаа тэргүүлсэн. Японы шигшээ баг дэлхийн чансааны 21-т бичигддэг бол Монгол Улсын шигшээ багт чансааны 108 дугаар байрт эрэмблэгдэж байна.
Манай шигшээ баг дараагийн тоглолтоо энэ сарын 24-нд эх орондоо БНХАУ-ын багийг хүлээн авч тоглоно. Хоёр баг өнгөрөгч хоёрдугаар сард таарч тоглосон ба БНХАУ-ын шигшээ баг 80-49 харьцаатайгаар ялалт байгуулсан юм.
Монгол Улсын шигшээ багийн ахлах дасгалжуулагчаар Василис Фрагкиас ажиллаж байгаа. Туслах дасгалжуулагчаар Велибор Негованович, Б.Тамжид, Ц.Азбаяр ажилллана.
Монгол Улсын шигшээ багийн бүрэлдэхүүн
А. Азбаяр
Б. Билгүүн
А. Энхбаясгалан
О. Эрдэнэцогт
Ч. Маргад
Г. Одбаяр
Ч. Ихбаяр
Г. Болор-Эрдэнэ
М. Өлзий-Орших
Т. Ууганбаяр
Б. Тулуй
Э. Саруул-Эрдэнэ
0
| 
16
Сэтгүүлч: П.Цанжид
| 
