Pubgmobile спортын PMGC буюу Дэлхийн аварга шалгаруулах тэмцээний Survival Stage-ын шатны тоглолт өнөөдөр дуусна. Гурван хэсгийн 24 баг гурван өдөрт хуваагдан тоглож байгаа ба эндээс шалгарсан 16 баг Last Chance шатанд үлдэнэ. 

Survival Stage-ын ногоон группд багтсан STE, 4MV багууд хэсгийн тоглолтуудаа өчигдөр дуусгасан. STE баг 84 оноотойгоор хүснэгтийн тавдугаар байрт жагсаж байгаа бол 4MV 68 оноотойгоор наймдугаар байрт жагслаа. Харин өнөөдөр улаан группд багтсан Falcons Force баг хоёр дахь өдрийн тоглолтоо хийх юм. 

Survival Stage шатнаас шалгарсан 16 баг энэ сарын 23, 24-нд 12 удаагийн тоглолтыг хийж шилдэг зургаан баг Дэлхийн аварга шалгаруулах тэмцээний финалын шатанд өрсөлдөх эрхээ авна.