Орон нутгийн замд осол гарч гурван хүн гэмтжээ. Тодруулбал Хэнтий аймгийн Цэнхэрмандал сумын нутагт хоёр хоёр автомашин мөргөлдөж, автомашины төмөр хийцэд гурван хүн хавчуулагдсан тухай дуудлага өчигдөр буюу энэ сарын 17-нд ирсэн байна. 

Дуудлагын дагуу аймгийн Онцгой байдлын газрын Жаргалтхаан сум дахь Эрэн хайх, аврах бүлгийн алба хаагчдыг очиход Улаанбаатар хотоос Дорнод аймгийн чиглэлд зорчиж явсан иргэн Н-ийн “Toyota Prius-20” загварын суудлын автомашин, Сүхбаатар аймгаас Улаанбаатар хотын чиглэлд зорчиж явсан иргэн Д-ийн “Nissan X-Trail” загварын хоёр зорчигчтой суудлын автомашинтай мөргөлдөж, автомашины төмөр хийцэд иргэн 20 настай эрэгтэй Н, 35 настай эмэгтэй Д, 38 настай эрэгтэй Д нар хавчуулагдсан байсныг  эсэн мэнд гаргаж, Цэнхэрмандал сумын Эрүүл мэндийн төвд хүлээлгэн өгсөн.

Орон нутгийн замд зорчихдоо тээврийн хэрэгслийн хөдөлгөөний хурдыг тохируулж оролцохыг мэргэжлийн байгууллагаас анхааруулж байна.