Орон нутгийн замд ачааны автомашинууд мөргөлдөж нэг хүн гэмтжээ. Тодруулбал Говьсүмбэр аймгийн нутаг аймгийн төвөөс баруун зүгт 25 км-т ачааны автомашинууд мөргөлдөж нэг хүн автомашины төмөр хийцэд хавчуулагдан гэмтсэн байна гэсэн дуудлага өчигдөр буюу энэ сарын 29-ны 17:00 цагт иржээ. 

Дуудлагын дагуу аймгийн Онцгой байдлын газрын алба хаагчдыг очиход Улаанбаатар хотоос Дорноговь аймгийн Замын-Үүд сумын  чиглэлд зорчиж явсан иргэн Б-ын “VOLVO-FH“ загварын ачааны автомашины араас иргэн Б-ын  “Маяти-2” загварын ачааны автомашин мөргөж тус автомашины жолооч 44 настай эрэгтэй  Б автомашины төмөр эд ангид хавчуулагдан гэмтсэн байсныг эсэн мэнд гаргажээ.