Гэрээсээ гарч сураггүй болсон иргэнийг осгосон байдалтай байхад нь эсэн мэнд олжээ. Тодруулбал  Завхан аймгийн Тэс сумын Бүр багийн иргэн А өчигдөр буюу энэ сарын 20-ны өдөр гэрээсээ гараад сураггүй болсон тухай дуудлага Онцгой байдлын албанд иржээ. 

Дуудлагын дагуу аймгийн Тэс сум дахь Гал түймэр унтраах, аврах 57 дугаар ангийн алба хаагчид, Хилийн цэргийн 0277 дугаар ангийн алба хаагчид 42 настай иргэн  А-г эрэн хайх ажиллагааг  зохион байгуулж, сумын төвөөс баруун урд зүгт найман км-т “Хар толгой” гэдэг газраас осгосон байдалтай байсныг эсэн мэнд олж, сумын Эрүүл мэндийн төв болон ар гэрийнхэнд нь хүлээлгэн өгсөн байна.