Амралтын газраас сураггүй болсон иргэнийг эрэн хайж байна. Тодруулбал Булган аймгийн Хишиг-Өндөр сумын нутагт байрлах “Цагаан хашаат” амралтын газраас энэ сарын 2-ны өдрийн 22:00 цагийн үед гараад сураггүй болсон тухай дуудлага зургааны өдөр аймгийн Онцгой байдлын албанд иржээ. 

Дуудлагын дагуу аймгийн Онцгой байдлын газрын Эрэн хайх, аврах салбарын алба хаагчид, сумын Цагдаагийн тасгийн алба хаагч, сумын Мэргэжлийн ангийнхан иргэн 61 настай иргэн Б-г өчигдөр буюу энэ сарын 8-нд  “Зөөлөнгийн даваа” гэдэг газраас баруун хойд зүгт таван км-т “Өгөөмөр-Уул” гэдэг газар эрэн хайх ажиллагааг зохион байгуулсан боловч үр дүнд хүрээгүй тул оройн 17:45 цагт түр зогсоосон байна.