Монголын үндэсний бөхийн холбооноос энэ 10 дугаар сард албан ёсны дөрвөн удаагийн барилдааныг зохион байгуулах гэнэ. Эхний барилдаан энэ сарын 16-18-нд өсвөр, залуучуудын улсын аварга шалгаруулах барилдаанаар эхэлнэ. Үргэлжлүүлэн энэ сарын 19-нд Булган аймгийн Сайхан сумын түүхт 100 жилийн ойд зориулсан, тус сумаас төрөн гарсан аваргуудын нэрэмжит улс, аймаг, цэрэг, сумын алдар цолтой хүчит 128 бөхийн барилдаан болно.
Үргэлжлүүлэн 20-ны өдөр сумын цолтон болон залуу бөхчүүдийн ээлжит барилдаан болох бол 27-ны өдөр Нийслэл Улаанбаатар хотын 385 жилийн ойд зориулсан улс, аймаг, цэрэг, сумын цолтой 128 бөхийн уламжлалт барилдаан болж өндөрлөх юм.