Чулуутын голоор завьтай зорчиж явсан иргэн осолдож амь насаа алджээ. Тодруулбал Архангай аймгийн Цэцэрлэг сумын нутагт тус сумын иргэн М "Чулуут" голыг завиар  гарч байгаад завь нь хөмөрч живсэн тухай дуудлагыг энэ сарын 21-ний  өдрийн 21:50 цагт Онцгой байдлын албанд иржээ. 

Дуудлагын дагуу аймгийн Онцгой байдлын газрын Эрэн хайх, аврах салбарын алба хаагчид Цагдаагийн хэсгийн алба хаагч, орон нутгийн иргэд, ар гэрийн хүмүүстэй хамтран 51 настай эрэгтэй М-г эрэн хайх ажиллагааг зохион байгуулж, өчигдөр буюу энэ сарын 22-ны өдөр осолдсон газраас дөрвөн км-ын зайд, голын гурван метрийн гүнээс цогцсыг нь олсон байна.