Баянхонгор аймгийн Баянлиг сумын нутагт өчигдөр буюу энэ сарын 15-ны өдрийн 13:35 цагт 4.5 магнитудын хүчтэй газар хөдлөлт болжээ. Газар хөдлөлт аймгийн төвөөс урд зүгт 240 км, сумын төвөөс 54 км-ын зайд болсон аж. 

Газар хөдлөлтийн улмаас хүмүүс бэртэж гэмтээгүй ба учирсан хохирол байхгүй ч хүмүүст чичирхийлэл мэдэгдсэн талаар хэлсэн байна. 

Тухайлбал Газар хөдлөлтийн хохирлыг тодорхойлохоор Баянлиг сумын Баян-Араг багийн Засаг даргаас тодруулахад тэнгэр хүчтэй дугарч, газар чичирхийлсэн гэх мэдээлэл өгчээ. Мөн газар хөдлөлт болсон газар буюу “Овоот шар” гэх газарт нутагладаг малчин Ч, Ц нараас тодруулахад гэрт байсан хүмүүст чичирхийлэл мэдрэгдсэн, тэнгэр дуугарч байгаа юм шиг чимээ гарсан тухай мэдээлсэн байна.