Улаанбаатар хотын түгжрэлийг бууруулах ажлын хүрээнд нийслэлийн дөрвөн байршилд авто замын доогуур нүхэн гарц байгуулахаар болсон. Тус бүтээн байгуулалтын эхний ажил болох таван шарын нүхэн гарцын авто замын хөдөлгөөнийг өнгөрөгч амралтын өдөр нээсэн. Харин  аравдугаар сард бүрэн ашиглалтад оруулахаар төлөвлөж байгаа гэнэ. 

Дараагийн байршлын хувьд Нарантуул захын дөрвөн замын уулзварын нүхэн гарцыг 2025 онд барихаар болсон гэнэ. Эдгээр нүхэн гарцууд ашиглалтад орсноор Улаанбаатар хотын авто замын хөдөлгөөн төмөр замын хөдөлгөөнтэй давхцахгүй болж, түгжрэл тодорхой хувиар буурах судалгаа гарсан. 

Таван шарын нүхэн гарцын бүтээн байгуулалтыг хийхийн тулд 22 байршилд газар чөлөөлж, ажлын талбайг гаргасан гэнэ. Таван шарын нүхэн гарцын бүтээн байгуулалтыг БНХАУ-ын Эксим банкны хөнгөлөлттэй зээлээр байгуулсан бөгөөд үргэлжлүүлэн Геологийн төв лабораторийн уулзвар, “Хермес” төвийн төмөр замын зоорийн нүхэн гарцын ажил арав, арваннэгдүгээр сард дуусах гэнэ.