Түгжрэлийг бууруулах, төвлөрлийг сааруулах ажлын хүрээнд Наадамчдын гудамжнаас Эрчим хүчний гудамж хүртэлх авто зам, гүүрэн байгууламжийг хийж байгаа. Одоогийн байдлаар тус авто замыг асфальт бетоноор хучиж байна. Гүүрний ажил өнөөдрийн байдлаар 98 хувийн гүйцэтгэлтэй, харин замын ажил 85 хувийн гүйцэтгэлтэй ажиллаж байгаа аж. 

Тус авто замын ажлыг есдүгээр сард дуусгахаар төлөвлөж байгаа гэнэ.  Гүүрний ажлын гүйцэтгэгч байгууллагаар "Мотор сервис ХХК", авто замын ажлыг "Тотал инж ХХК" гүйцэтгэж байна.  Наадамчдын гудамжнаас Эрчим хүчний гудамж хүртэлх авто зам ашиглалтад орсноор Яармагийн түгжрэлийг 20 хүртэлх хувиар бууруулна гэж мэргэжилтнүүд тооцоолжээ.