Хичээл сургууль цуглаж замын хөдөлгөөний эрчим нэмэгдсэн жилүүдэд тодорхой хугацаанд дугаарын хязгаарлалтыг зохион байгуулдаг. Тэгвэл энэ жилийн хувьд Нийслэлийн Засаг дарга бус олон нийтийн саналыг үндэслэн дугаарын хязгаарлалт хийх эсэхийг шийдэх гэнэ. 

Уг шийдвэрийг  “20 минутын хот” Үндэсний хорооны анхдугаар хуралдааны үеэр иргэдээс санал асуулга авч, олонх зөвшөөрсөн тохиолдолд дугаарын хязгаарлалтыг зохион байгуулах зөвлөмжийг нийслэлийн Засаг дарга бөгөөд Улаанбаатар хотын Захирагч Х.Нямбаатарт өгсөн юм.

Энэ хүрээнд нийслэлийн Засаг даргын Тамгын газрын албан ёсны  www.ulaanbaatar.mn сайтаар санал асуулга авч байна.

Иргэд та бүхэн тус линкээр санал асуулгад оролцох боломжтой. 

https://vote.ulaanbaatar.mn/home