Өнгөрсөн жилүүдэд Жаргалантын амны уулнаас их хэмжээний үер бууж, Эх, нярай, эмэгтэйчүүдийн үндэсний төв, Архивын ерөнхий газар, “Буянт-Ухаа 2” хороолол үерт автах эрсдэл үүсэж байсан. Иймээс дээрх байршилд өнгөрсөн сарын 30-ны өдрөөс үерийн хамгаалалтын 1.8 км далин барих ажлыг эхлүүлсэн. Тус үерийн хамгаалалтын даланг хоёр сувагтайгаар буюу хоёр байршилд хийж байгаа бөгөөд хоёрдугаар сувгийн 800 метр далан бүрэн дуусаж, ашиглалтад орууллаа.

Жаргалантын амны үерийн далангийн ажил 2020 онд эхэлсэн. Олон жил гацсан уг ажил энэ жил төсөв бүрэн шийдэж, эхний 800 метр далан ашиглалтад орж байгаа нь энэ юм. Үлдсэн 1,000 метр далангийн ухалтын ажлыг эхлүүлэн, ул хавтан тавьж байгаа гэнэ.