Гал түймрийн улмаас 13 настай хүүхэд амь насаа алджээ. Тодруулбал Улаанбаатар хот, Баянзүрх дүүрэг наймдугаар хорооны нутагт гэр шатаж байна гэх дууддлага өнгөрөгч шөнө буюу наймдугаар сарын 27-ны өдрийн 03:54 цагт Онцгой байдлын албанд иржээ. 

Дуудлагын дагуу дүүргийн Онцгой байдлын газрын Гал түймэр унтраах, аврах 63 дугаар ангийн алба хаагчдыг очиход иргэн З-ын 5 ханатай гэр, 2х4 метрийн хэмжээтэй амбаар шатаж байжээ. Гал түймрийн улмаас гэртээ ганцаараа байсан 13 настай хүү өртөж амь насаа алдсан ба  цогцсыг гаргаж, Цагдаагийн байгууллагад шилжүүлэн өгсөн байна. 

Сүүлийн өдрүүдэд гал түймрийн дуудлага мэдээлэл нэмэгдэх хандлагатай байна. Иймд, иргэд гэр, орон сууцны галын аюулгүй байдлаа хангаж, цахилгааны хэт ачаалал үүсгэхгүй байх, хүүхдийг гал түймрийн аюулаас сэргийлэх, хараа хяналтгүй гэрт нь цоожилж үлдээхгүй байхыг нийслэлийн Онцгой байдлын газраас онцгойлон анхааруулж байна.