Японы "Gladiator", Монгол улсын "MGL-1" Холбооны аварга Т.Нямжаргал холимог тулааны хамгийн том холбоо болох UFC-тэй гэрээ байгуулсан. Өнгөрөгч зургаадугаар сард анхны тулаанаа хийхээр байсан ч хойшлоод байсан манай тулаанч 11 дүгээр сард UFC дэвжээнээ анхны тулаанаа хийх гэж байна. 

Манай тулаанч эхний тулаанаа АНУ-ын Карлос Хернандезтай дэвжээнд гарна. АНУ-ын тулаанчийн хувьд мэргэжлийн 13 тулаан хийж есөн ялалт авсан. Сүүлийн таван тулааныхаа гуравт нь ялагдал хүлээсэн. Хамгийн сүүлд энэ оны нэгдүгээр сард хийсэн тулаандаа ялагдал хүлээсэн. 

Манай тулаанч Т.Нямжаргалын хувьд 2020 оноос холимог тулаанаар хичээллэж дөрвөн жилийн хугацаанд найман ялалт байгуулсан. Японы “Гладитор” холбоонд анхны тулаанаа Масаюки Ватанабэгийн эсрэг хийж эхний үед л хүнд цохилтоор буулган авч, аваргын бүс эзэмшсэн Т.Нямжаргал UFC холбооны өмнөх "Road to Asian"-д нударга зөрүүлэх боломжтой болсон.

Улмаар өнгөрсөн онд хийсэн хоёр тулаандаа ялалт байгуулснаар, UFC холбоонд гэрээ байгуулах сууриа тавьсан юм. Түүний хувьд UFC холбоонд хөл тавьж буй хоёр дахь монгол тулаанч юм.