Туул голд сэлэхээр ороод сураггүй болсон иргэний цогцсыг олжээ. Хэргийг тодруулбал энэ сарын 11-нд Төв аймгийн Лүн сумын төвөөс баруун зүгт 8 км-т  “Туул” голын усанд нэг хүн сэлэхээр ороод осолдсон тухай дуудлага ирсэн. 

Дуудлагын дагуу аймгийн Онцгой байдлын газрын Эрэн хайх аврах, салбар, Гал түймэр унтраах, аврах 24 дүгээр анги, Үндэсний аврах бригад, Цагдаагийн хэсгийн алба хаагчид, ар гэрийнхэн нь 23 настай эрэгтэй И-г эрэн хайх ажлыг эхлүүлсэн. 

Эрэн хайх ажиллагааг зохион байгуулж анх осолдсон газраас зүүн хойд зүгт 17 км-ын зайтай газраас цогцсыг олж  Цагдаагийн байгууллагад шилжүүлэн өгсөн байна.