Сонгинохайрхан дүүргийн 29 дүгээр хорооны нутаг "Драгон" төв орчимд ус зайлуулах шугам хоолойгүйн улмаас борооны ус байнга тогтдог. Тэгвэл өнөөдрөөс тус байршилд ус зайлуулах шугам хоолойн угсралтын ажлыг эхлүүлсэн байна. Драгон төвийн туслах авто замын ус зайлуулах шугам хоолойг энэ сарын 20-нд угсарч дуусгахаар төлөвлөж байна. 

Нийслэлийн зүгээс зургаан байршилд ус зайлуулах шугам хоолой угсарч эхлээд байгаа гэнэ. Өнөөдрийн байдлаар дөрвөн байршилд буюу хоёр далан сувгийн ажил, хоёр шугам хоолойн ажлыг гүйцэтгэж байгаа аж. Мөн нийслэлийн Замын сангийн хөрөнгөөр найман байршилд борооны ус зайлуулах шугам, 8,000 гаруй шүүрт болон үзлэгийн худаг хийх гэнэ. 

Энэ онд томоохон байршлуудад буюу Төв цэнгэлдэх хүрээлэн, Дарь-Эх болон СХД-ийн 18 дугаар хороонд борооны ус зайлуулах шугам хоолойн угсралтын ажлыг хийсэн.