Өнөө шөнө буюу наймдугаар сарын 8-9-нд шилжих шөнө Өвөрхангайн нутаг, Төв аймгийн баруун өмнө хэсгээр их бороо орно. Харин наймдугаар сарын 9-ний өдөр Өвөрхангайн зүүн, Төв аймгийн өмнөд, Өмнөговийн зүүн хэсэг, Дундговь, Говьсүмбэр, Дорноговийн нутгаар их бороо орно. 10-нд нутгийн зүүн хагаст үргэлжилсэн усархаг дуу цахилгаантай аадар бороо орох гэнэ.
Иймд малчид болон аялал зугаалгаар яваа иргэд аянга цахилгаан, нөөлөг салхи, уруйн үер болон гол нуурын усанд осолдохоос сэргийлж баталгаатай зам, гүүрээр зорчихыг мэргэжлийн байгууллагаас анхааруулж байна.