Хан-Уул дүүргийн гурван байршилд нийт 4,2 км авто замыг шинэчиллийн ажлыг гүйцэтгээд байна. "Буган халиун" зочид буудлаас зайсангийн уулзвар хүртэл, Зайсангийн уулзвараас Яармагийн гүүр хүртэл, мөн УБЦТС-ын баруун талын авто замуудыг шинэчилсэн. Авто замуудыг шинэчлэхдээ ус зайлуулах шугам хоолойн асуудлыг давхар шийдсэн гэнэ.
Мөн СХД-ийн Моносын уулзвараас баруун аймаг руу салдаг тойрог хүртэлх 9,3 км авто замыг шинэчилж байгаа. Замын ажил 11 дүгээр сарын 31-ны өдрийг хүртэл үргэлжлэх гэнэ. Авто зам шинэчлэлтийн ажлын хүрээнд Сонгинохайрхан дүүргийн хоёр байршилд авто зам шинэчилсэн. Эхний байршил нь Цэргийн хотхоноос хойшоо Тахилтын уулзвар хүртэлх 2.3 км авто замыг шинэчилж ашиглалтад оруулсан бол 22-ын товчооны 9.3 км авто замын ажил 70 хувьтай үргэлжилж байна.
Үндэсний их баяр наадамтай холбоотойгоор тухайн замд суурь хучилт хийж зорчих хөдөлгөөнийг нээсэн бөгөөд чулуун хашлага суурилуулах ажил мөн 70 хувьтай үргэлжилж байгаа юм. Ирэх долоо хоногоос замын эхний хэсэгт өнгө хучилтын ажил хийж эхлэх ба есдүгээр сарын 1-н гэхэд 22-ын товчооны авто зам шинэчилж дуусгахаар төлөвлөж байгаа аж.
![](https://leadnews.mn/img/content/uploads/0908202402495466b55a731ad23e72dd9a96d8.jpg)
![](https://leadnews.mn/img/content/uploads/0908202402500966b55a371ad23e72dd9a96d7.jpg)