Моторт завьтай зугаалж яваад осолдсон иргэний цогцсыг зургаан өдрийн дараа олжээ. Усанд осолдсон 36 настай эрэгтэй П-г Хөвсгөл аймгийн Онцгой байдлын газрын Эрэн хайх, аврах салбар, Үндэсний аврах бригадын алба хаагчид, ар гэрийнхэний хамт эрэн хайх ажиллагааг зохион байгуулж эхэлсэн.
Нисдэг тэргээр агаараас тандалт хийж явсан нисэх багийн бүрэлдэхүүн тухайн иргэний цогцсыг Монгол Улсын хилээс дотогш таван км орчим газарт голын сайранд тогтсон байсныг олсон.
Нас барсан иргэн хоёр хүний хамт “Тэнгис-Шишгэд”-ын голд моторт завиар зугаалж явсан ба завь хөмөрч хамт явсан хоёр иргэн нь эсэн мэнд гарсан аж.