Зуны 33 дахь удаагийн Олимпын наадам Парис хотноо үргэлжилж байна. Эрэгтэйчүүдийн сагсан бөмбөгийн шилдэг дөрөвт АНУ, Герман, Серби, Франц улсын шигшээ багууд үлдээд байгаа.  

Нийт тоглогчдын MVP үзүүлэлтээр АНУ-ын тоглогч Леброн Жэймс тэргүүлж явна. Түүний араас Сербийн Никола Иокич, Германы Дэннис Шрёдер, АНУ-ын Кэвин Дурант нар бичигдэж байгаа аж. АНУ-ын хувьд энэ удаагийн Олимпын наадамд "Avengers" нэртэй Леброн Жэймс, Стефен Карри, Кэвин Дурант тэргүүтэй шилдэг тоглогчдоо илгээсэн. 

АНУ-ын баг хагас шигшээд Сербийн багтай таарсан. Хоёр баг Олимпын сагсанбөмбөгийн нээлтийн тоглолтыг хийсэн ба тус тоглолтод АНУ 110-84 онооны харьцаатайгаар ялалт байгуулсан. Харин Олимпын наадмыг зохион байгуулагч Францын шигшээ баг хүчирхэг бүрэлдэхүүнтэй Германы эсрэг тулна.