Зуны 33 дахь Олимпын наадмын жүдо бөхийн эмэгтэйчүүдийн 48 кг-д зодоглосон Б.Баасанхүү Олимпын наадмаас мөнгөн медаль хүртсэн. Олимпын наадмын дараа IJF-ын зүгээс дэлхийн чансааг дахин шинэчилсэн байна. Олимпын мөнгөн медальт Б.Баасанхүү 48 кг-ын дэлхийн чансааг 7,286 оноотойгоор тэргүүлж эхэллээ. Манай бөхийн хувьд Олимпын наадмын өмнө дэлхийн чансааны хоёрт бичигдэж байсан юм. 

Б.Баасанхүү C зоонд Мальтийн Е.Катрина, Австрийн Кетринг, Парагвайн Нарваез Габриелыг ялсан. Зооны аваргын төлөө Испанийн Мартинез Абелендатай барилдаж нэмэлт цагт ялсан юм. ба Олимпын наадмын алтан медалийн төлөө “Ханжоу-2022” Азийн наадмын аварга, “Доха-2023” дэлхийн аварга шалгаруулах тэмцээний алтан медальт Цунадо Нацүмитай өрсөлдөж ялагдсанаар ийнхүү мөнгөн медаль хүртсэн. 

Түүний хувьд Олимпын мөнгөн медаль хүртсэн Монгол Улсын 12 дахь тамирчин, жүдо бөхийн спортын түүхэнд 5 дахь мөнгө түүн дотор эмэгтэй  жүдочдын олимпын мөнгөн медальтай хоёр дахь бөх болж байна. Түүний өмнө 2016 оны Риогийн Олимпын наадамд Д.Сумьяа мөнгөн медаль хүртэж байсан юм.