Бага насны хүүхдийг хүчиндэж мөн цахим хэрэгслээр харилцаж бэлгийн харилцаанд орохыг санал болгож садар самуунд уруу татсан иргэний хэргийг прокурорын байгууллагад шилжүүлжээ. Хэргийг тодруулбал иргэн Д нь 2023 оны 12 дугаар сард насанд хүрээгүй буюу 14 настай хүүхдийн фейсбүүк цахим хаяг руу зурвас бичиж харилцаж, улмаар өөрийн бэлэг эрхтний зургийг үзүүлж, нүцгэн зураг бичлэгээ явуулахыг шаардаж, бэлгийн харьцаанд орохыг санал болгосон ба хүүхдэд садар самууныг сурталчилж, уруу татсан гэх хэрэгт Эрүүгийн хуулийн тусгай ангийн 16.8 дугаар зүйлийн 1, 12.5 дугаар зүйлийн 1 дэх хэсэг эрүүгийн хэрэг үүсгэжээ. 

Мөн тус этгээд нь 2023 оны 12 дугаар сарын 07-ны өдөр Баянгол дүүргийн 27 дугаар хорооны нутаг дэвсгэрт байрлах сүлжээ дэлгүүрийн гадна тээврийн хэрэгсэл дотор насанд хүрээгүй буюу 13 настай хүүхдийг биеэ хамгаалах чадваргүй болон уг үйлдлийн учир холбогдлыг ойлгохгүйг далимдуулан бэлгийн харьцаанд орж, бага насны хүүхдийн эсрэг хүчиндэх гэмт хэргийг үйлдсэн ба уг хэрэгт Эрүүгийн хуулийн тусгай ангийн ангийн 12.1 дүгээр зүйлийн 4 дэх хэсэгт зааснаар эрүүгийн хэрэг үүсгэн шалгаж хэргийг прокурорын байгууллагад шилжүүлсэн байна.