Өнгөрөгч шөнө буюу энэ сарын 1-ний шөнө Булган, Орхон, Дархан, Төв аймгийн нутаг, Сэлэнгийн баруун, Архангайн зүүн, Өвөрхангайн хойд хэсгээр, 2-ны өдөр Сэлэнгэ, Төв, Хэнтийн нутгаар их бороо орсон. 

Өнөөдөр буюу энэ сарын 02-нд төвийн аймгуудын ихэнх нутаг, говийн аймгуудын нутгийн хойд, зүүн аймгуудын нутгийн баруун хэсгээр дуу цахилгаантай аадар бороо үргэлжлэн орох тул мөндөр, аянга цахилгаан, нөөлөг салхи, болзошгүй үер усны аюулаас сэрэмжтэй байхыг онцгойлон анхааруулж байна.

Малчид бороо орж байгаа үед гэрийн янданг яаралтай авч өрхөө бүтээх, телевизийн антеныг бризент буюу даавуугаар бүтээх зэрэг урьдчилан сэргийлэх үйл ажиллагаа хийхийг сануулж байна.