Зуны 33 дахь Олимпын наадам Парис хотноо үргэлжилж байна. Манай тамирчид өнөөдөр жүдо, бокс, байт харваа, буудлагын төрөлд өрсөлдөнө. Жүдо бөхийн эмэгтэйчүүдийн 78 кг-ын жинд дэлхийн чансааны 28-д эрэмблэгдэж байгаа  О.Хүслэн эхний тойрогтоо Эквадорын жүдоч Чала Ванесса Чалатай барилдлаа. Харин түүний өрсөлдөгч дэлхийн чансааны 31-д бичигдэж байсан юм. 

О.Хүслэн 19 настай ба анхны Олимпын наадамдаа оролцож байгаа юм. Манай бөх хоёр ч удаа өрсөлдөгч бөхөө даралт хийж вазари үнэлгээ авч үргэлжлүүлэн даралт авч ялалт байгууллаа. Манай бөх хэсгийн хоёр дахь барилдаанаа Дэлхийн  аварга Израйлын жүдоч Инбар Ланертай хийх юм.