Голуудын усны түвшин нэмэгдсэнээс усанд боогдох тохиолдлын тоо нэмэгдэж байгаа гэнэ. Тодруулбал Төв аймгийн Баянжаргалан сумын нутагт "Хэрлэн" голын салаанд нутаглаж байсан долоон өрх усанд боогдсон дуудлага аймгийн Онцгой байдлын албанд иржээ. 

Дуудлагын дагуу аймгийн Онцгой байдлын газрын Эрэн хайх, аврах салбарын алба хаагчид очиж гурван өрхийн 13 хүнийг аврах завь ашиглан  иргэдийг аюулгүй газарт гаргасан байна. 

Мөн Дорнод аймаг, Баян-Уул сумын нутагт “Онон” гол үерлэж, голын усанд нэг өрхийн гурван хүн боогдсон тухай дуудлага иржээ. Дуудлагын дагуу аймгийн Онцгой байдлын газрын Баян-Уул сум дахь Гал түймэр унтраах, аврах 53 дугаар ангийн алба хаагчид 65, 7, 4 настай гурван иргэнийг уснаас гарган аюулгүй газар шилжүүлсэн байна.