Жүдо бөхийн төрөлд эмэгтэйчүүдийн 57 кг-д хүч үзэж байгаа Дэлхийн аваргын хошой хүрэл медальт Н.Энхрийлэн эхний барилдаанаа 2020 оны Токиогийн Олимпын наадмын аварга Косово улсын жүдоч Нора Гяковатай хийж ялалт байгуулсан.

Шөвгийн наймд шалгарах эрхийн төлөө дэлхийн чансааны 15-д эрэмблэгдэж байгаа Германы жүдоч Паулина Штарктай барилдлаа. Штарке эхэн хэсэгт санаачилгатай байж эхний вазариг авсан бол манай бөх даралт авч вазари үнэлгээ авсан. 

Барилдааны үндсэн цаг дуусаж нэмэлт цаг манай жүдоч идэвхтэй барилдаан үзүүлж торгуулиар ялалт байгуулж шөвгийн наймд шалгарлаа. Шөвгийн наймд Дэлхийн аварга Хух Мимитэй барилдана.