Монгол Улсын Ерөнхийлөгч У.Хүрэлсүх УИХ-ын сонгуульд суудал авсан нам, эвслийн удирдлагыг хүлээн авч уулзлаа. Ерөнхийлөгч У.Хүрэлсүх нам, эвслийн удирдлагуудтай уулзаж, УИХ-ын анхдугаар чуулганыг товлон зарлах өдрийн зөвшилцсөн байна. 

Ерөнхийлөгчийн зарлигийн дагуу УИХ-ын ес дэх удаагийн сонгуулийн анхдугаар чуулганыг маргааш буюу 2024 оны долоодугаар сарын 2-нд хуралдуулахаар товлосон байна. 

Монгол Улсын Их Хурлын тухай хуулийн 17 дугаар зүйлийн 17.1 дэх хэсэгт “Анхдугаар чуулганыг ээлжит сонгуулийн санал хураалт явуулсан өдрөөс хойш 30 хоногийн дотор Ерөнхийлөгчийн зарлигаар товлон зарлаж хуралдуулна” гэж заасан байдаг.