Төрийн аудитын газраас Монгол Улсын Их Хурлын 2024 оны ээлжит сонгуульд нэр дэвшигчдийн хандив болон сонгуулийн зардлын зарцуулалтыг олон нийтэд тайлагнасан.  Сонгуулийн сурталчилгаа эхэлсэн өдрөөс эхлэн нам, эвсэл болон нэр дэвшигчид хандивын дансаа нээж иргэн болон ААН-ээс мөнгөн хандив цуглуулсан билээ. Хуульд зааснаар МУ-ын иргэн 10 хүртэлх сая төгрөгийн хандив өгөх боломжтой бол ААН бол 30 хүртэлх сая төгрөгийн хандив өгөх боломжтой байсан. 

УИХ-ын сонгуулийн нэгдүгээр тойрог буюу Өвөрхангай, Архангай, Баянхонгор аймагт нэр дэвшиж байгаа Г.Занданшатарын хандивын дансанд 1,889,210,898 төгрөг цугларчээ.  Үүнээс сонгуулийн зардалд 401,368,900 төгрөгийг зарцуулсан ба хуулиар зөвшөөрөгдөөгүй хандив 350 сая төгрөг байжээ. Хандивын мөнгөнөөс 487,531,499 төгрөг үлдсэн ба 1,000,310,499 төгрөгийг буцаан шилжүүлсэн байна.