Үндэсний баяр наадам зохион байгуулах үйл ажиллагаатай холбогдуулан өнөөдөр мэдээлэл өгсөн. Уг мэдээллийн үеэр бөхчүүд болон харваачдаас авах допингийн шинжилгээний талаарх дараах мэдээллийг өглөө. 

Үндэсний бөхийн салбар хорооны дарга, ХЗДХЯ-ны Төрийн нарийн бичгийн дарга Н.Мягмар

Үндэсний их баяр наадамд барилдсан 32 бөх, үндэсний сурын 16 харваачдаас авах шинжилгээний сорьц, сорьцын хариуг шуурхай гаргуулах, ил тод байдлыг хангах үүднээс Дэлхийн Допингийн эсрэг агентлагаар итгэмжлэгдсэн ХБНГУ-ын Дрезден хотын Допингийн хяналтын лабораторид шинжилгээг хийлгэхээр ажиллаж байна. Тухайн байгууллагаас 48 цагийн дотор тухайн дээжээс хэвийн болон сэжигтэй эсэх хариуг гаргаж өгнө. 

Сэжигтэй зүйл илэрвэл цааш нь допингийн ямар төрлийн бодис хэрэглэсэн эсэхийг 14-21 хоногийн дотор гаргаж өгнө. Допингийн шинжилгээг биечлэн хүргэж өгнө. Долоодугаар сарын 13-нд нисэхээр бэлдэж байгаа. 

Мөн бөхийн засуул, хөлийн цэцдийн өмсгөл хувцсыг нэг стандартад оруулж байгаа.