Туул голын салаанд гацсан иргэний амь насыг авран хамгаалжээ. Тодруулбал Хан-Уул дүүрэг есдүгээр хороо “Туул” голын салаанд хүн байна, гаргаж чадахгүй байна гэсэн дуудлага оройн 16:38 цагт Онцгой байдлын албанд ирүүлжээ. 

Дуудлагын дагуу Нийслэлийн Аврах ангийн алба хаагчдыг очиход согтууруулах ундаа хэрэглэсэн иргэн Т голын салаанд гацсан байсныг аюулгүй гаргаж, тус дүүргийн Цагдаагийн хоёрдугаар хэлтэст хүлээлгэн өгсөн.

Амралт зугаалгын цаг эхэлсэн тул голын сав хөндийгөөр зорчих иргэдийн тоо нэмэгдсэн. Сүүлийн өдрүүдэд нийт нутгаар орсон борооны улмаас голуудын түвшин нэмэгдсэн тул сэрэмжтэй байхыг анхааруулж байна.