Бага насны хоёр хүүхдийг живж байхад нь аварсан иргэн өөрөө усанд осолдож амь насаа алджээ. Хэргийг тодруулбал Сэлэнгэ аймаг, Шаамар сумын нутаг “Ерөө” голын усанд бага насны хоёр хүүхэд живж байхад нь аварсан иргэн Б өөрөө осолдсон тухай дуудлага аймгийн Онцгой байдлын албанд ирсэн байна. 

Дуудлагын дагуу аймгийн Онцгой байдлын газрын Эрэн хайх, аврах бүлгийн алба хаагчид иргэн 19 настай эрэгтэй Б-г  анх осолдсон газраас зүүн хойд зүгт 14 км-т “Хуучин модон гүүр” гэдэг газар хүртэл дөрвөн удаа, нийт 56 км завьтай урсаж, голын булан тохой, бут бургас, хаялга зэргээр самналт хийж, анх осолдсон газраас болон эргээсээ 3.5 метр зайд, гурван метрийн гүнд шумбалт хийж цогцсыг олж, аймгийн Цагдаагийн газрын албанд хүлээлгэн өгчээ.