Аялал зугаалгаар явж байсан хүмүүс тогтоол усанд живжээ. Хэргийг тодруулбал Дархан-Уул аймаг, Шарынгол сум Санжинт багийн “Задгай” гэх газар сумын төвөөс зүүн урд зүгт таван км-т, хүн живсэн тухай дуудлага Онцгой байдлын албанд иржээ. Тухайн бүс нутагт таван хүн аялаж явснаас хоёр хүн нь усанд осолдсон байна. 

Дуудлагын дагуу  аймгийн Онцгой байдлын газрын Шарын гол сум дахь Гал түймэр унтраах, аврах 55 дугаар ангийн алба хаагчид очиж 19 настай эрэгтэй М, 18 настай эрэгтэй И нарыг эрэн хайх ажиллагааг зохион байгуулж хоёр иргэний цогцсыг уснаас гаргаж цагдаагийн байгууллагад шилжүүлж өгчээ.