Өнгөрөгч тавдугаар сарын 30-нд Дотоодын цэргийн 05 дугаар ангийн хугацаат цэргийн алба хаагч зам тээврийн осолд өртөж амь насаа алдсан хэрэг гарсан. Уг хэргийн талаар холбогдох байгууллагын зүгээс дараах мэдээллийг өглөө. 

Дотоодын цэргийн штабын захиргааны удирдлагын газрын дарга, хурандаа Д.Энхбадрах

Амь насаа алдсан алба хаагч Төв аймгийн Цээл суманд томилгоот үүрэг гүйцэтгэж байсан. Зам тээврийн ослын асуудлыг тухайн нутаг дэвсгэр хариуцсан цагдаагийн байгууллага  шалгаж байгаа. Харин дотоодын цэргийн байгууллагын үйл ажиллагаатай холбоотой асуудал дээр Цагдаагийн ерөнхий газрын дотоодын хяналт шалгалт, аюулгүй байдлын газраас шалгалтын ажиллагааг явуулж эхэлсэн.

Дотоодын цэргийн ангиуд өөрсдийн туслах аж ахуйг дэмжих зорилгоор хугацаат цэргийн албан хаагчийг томилон ажиллуулдаг. Энэ хүрээнд үүрэг гүйцэтгэж явсан. Цэргийн ангийн удирдлагын зүгээс хувьдаа цэргийн алба хаагчийг ажиллуулаагүй худал мэдээлэл гэдгийг мэдэгдье.  Хугацаат цэргийн алба хаагч тээврийн хэрэгсэл жолоодож яваагүй.