Их, дээд сургуульд элсэгчдийн шалгалт  долоодугаар сарын 4-7-нд болно. Эхний шалгалт долоодугаар сарын 4-нд 10:00 цагаас түүхийн хичээлээр эхэлнэ. Шалгуулагчид шалгалтын байранд нэг цагийн өмнө ирж, 10 минутын өмнө суудлаа эзэлсэн байх ёстой. Хэрвээ хоцорсон тохиолдолд оруулахгүй тул шалгалт өгөх хүмүүс цагтаа ирэхийг анхаарууллаа. 

Элсэлтийн шалгалт өгөх хүмүүс монгол хэл, англи хэл, физик, математик, орос хэл, биологи, түүх, нийгэм судлал, газар зүй, хими гэсэн 10 хичээлээр өгнө. Суралцагч мэргэжил сонголтоос хамаарч хамгийн багадаа хоёр, ихдээ бүх хичээлээр шалгалт өгөх боломжтой юм.