“Улаанбаатар марафон 2024”-т олон улсын гүйлтэд оролцохоор 12,200 гаруй иргэн бүртгүүлжээ. Энэ жил 10, 21, 42 км-т гүйгчдийн бүртгэл өнгөрсөн оныхоос өссөн үзүүлэлттэй байгаа аж. Тодруулбал, өнгөрсөн онд 10 км-т 1,368 гаруй гүйгч, 21 км-т 542 гүйгч, 42 км-т 140 гүйгч бүртгүүлж байсан бол энэ жил 10 км-т 1,866 гүйгч, 21 км-т 917 гүйгч, 42 км-т 180 гаруй гүйгч бүртгүүлжээ.

Таван км зайд гүйхээр 8,000 гаруй хүн бүртгүүлжээ. Мөн Гэр бүлийн гүйлтэд 1,100 гаруй хүн гүйхээр бүртгүүлсэн бол 1,5 км-ийн тусгай хэрэгцээт иргэдийн гүйлтэд 29 хүн бүртгүүлсэн байна.

Өнөөдрийн байдлаар бүртгүүлсэн иргэдээс 7,100 гаруй нь энгэрийн дугаараа авчээ. Энгэрийн дугаарыг энэ сарын 25-ны өдрийг хүртэл тараах бөгөөд дараах цэгүүдэд олгож байна.

5км-ын гүйлтийн ЭНГЭРИЙН ДУГААР олгох цэгүүд:

2024.05.01-05.20-ны 09:00-18:00 цагт - 9 дүүргийн Биеийн тамир, спорт хороо

2024.05.15-05.20-ны 09:00-18:00 цагт - Нийслэлийн нутгийн захиргааны IV байрны 1-р давхарт буюу “Зоос гоёл”-ын замын урд байрлах Нийслэлийн Биеийн тамир, спортын газар 

1,5км, 5км, 10км, 21км, 42км-ийн ЭНГЭРИЙН ДУГААР болон МЕРЧИНДАЙЗ БҮТЭЭГДЭХҮҮН олгох цэгүүд:

 2024.05.15-05.20-ны 11:00-20:00 цагт

• Их дэлгүүрийн урд талын фонтаны “R.O.C”-ийн замын урд талд

2024.05.15-05.20-ны 09:00-18:00 цагт

• Нийслэлийн нутгийн захиргааны IV байрны 1-р давхарт буюу “Зоос гоёл”-ын замын урд байрлах Нийслэлийн Биеийн тамир, спортын газар
• Чингэлтэй дүүрэг 1-р хороо, Туул рестораны баруун хойд талд “Art house”-ийн 5-р давхар Hipay компанийн байранд тус тус олгож байна.

Бүртгүүлэх холбоос:

Сайтаар бүртгүүлэх: https://ubmarathon.hipay.mn/

Hipay аппликэйшнаар бүртгүүлэх: www.hipay.mn/app