Ногоон автобусны хэргийг хянан шалгах түр хорооноос мэдээлэл хийж нээлттэй сонсголыг энэ сарын 21-22-нд явуулахаар болжээ. Гэрчээр Түгжрэлийг бууруулах үндэсний хорооны дарга, сайд асан Ж.Сүхбаатар, Улаанбаатар хотын захирагч асан Д.Сумъяабазар, "Тэнүүн-Огоо" ХХК захирал А.Ганхуяг нарын тэргүүтэй давхардсан тоогоор 98 гэрч дуудагдаж байгаа гэнэ. 

Нээлттэй сонсголоор гурван үндсэн асуудлыг авч хэлэлцэх гэнэ.  Худалдан авах үйл ажиллагаа, Хууль зүйн зөрчлүүд, стандарт шаардлага зэрэг гурван үндсэн асуудлыг авч хэлэлцэх ба долоон бүлэг асуудлыг мөн ярих гэнэ.  Төрийн байгууллагын найман шинжээч хоёр сар орчмын хугацаанд шаардлагатай материалуудыг судалж, нягталсан байна.