Улсын арслан М.Бадарчийн нэхэмжлэлтэй допингийн зөрчилтэй холбогдох маргааныг хянан шийдвэрлэх хороо өнгөрөгч дөрөвдүгээр сард хуралдсан. Уг хурлаар М.Бадарчийг допингийн төрлийн бодис хэрэглэснийг нотолсон ба харин түүний эрхийг эдлүүлэх тал дээр ерөнхий зөрчлүүд гарсан гэж үзсэн. 

Тэгвэл өнөөдөр М.Бадарчийн өргөдөлтэй, Үндэсний их баяр наадмыг зохион байгуулах хороо, Үндэсний их баяр наадмын үндэсний бөхийн салбар хороо, Монголын үндэсний допингийн эсрэг байгууллага нарт холбогдох маргааны шийдвэрийг "Олон улсын ба үндэсний спортын арбитр"-аас танилцуулахаар болжээ. 

М.Бадарч нь Ардын хувьсгалын 102 жилийн ойн Үндэсний их баяр наадамд түрүүлсэн ба түүнээс авсан шинжилгээгээр допингийн төрлийн бодис илэрсэн билээ.