Нарны замын Соёолжийн нүхэн гарцаас Нарантуулын уулзвар хүртэл 870 метр замын баруунаас зүүн тийш чиглэх хөдөлгөөнийг өнөөдөр нээж байна. Хойд хэсэг буюу зүүнээс баруун тийш явах чиглэлийн асфальт бетон хучилтыг хийж маргааш буюу энэ сарын 9-нд нээх гэнэ. 

Тус ажлын хүрээнд тэгш байдал алдагдсан, суулт үүссэн замын хашлагыг асфальт бетон хучилтын түвшинд тааруулах, инженерийн шугам сүлжээний худгийн тагийг асфальт бетон хучилтын түвшинд тааруулах, авто замын зорчих хэсгийг хүчитгэн асфальт бетоноор хучих зэрэг ажил хийгдэж байгаа. Мөн хэвтээ болон босоо тэмдэг тэмдэглэгээ суурилуулж, явган хүний гарц хийж байна.