Авто замын хөвөө, явган хүний зам, гудамж талбай, цэцэрлэгт хүрээлэн зэргийг цэвэрлэхэд ашиглах эхний ээлжийн  20 ширхэг төхөөрөмжийг дүүргүүдийн хот тохижилтын байгууллагуудад хүлээлгэн өглөө. Тус төхөөрөмж нь 240 литрийн багтаамжтай хог хуримтлуулагч савтай.  Мөн долоон км цагийн хурдтай, нэг цэнэглэлтээр  6-8 цаг ажиллах хүчин чадалтай бөгөөд орчныг тоос босгохгүйгээр цэвэрлэх хүчин чадалтай аж. 

Турк Улсад үйлдвэрлэсэн нийт 53 ширхэг төхөөрөмжийг хүлээн авахаас  эхний 20 ширхгийг хүлээн аваад байгаа гэнэ. 

Мөн  “АОДЭ” ХХК-аас Howo брэндийн өөрөө буулгагч 12 ширхэг автомашиныг НЗДТГ-т хүлээлгэн өглөө.  "Синотрак" үйлдвэрийн 2024 онд үйлдвэрлэсэн уг автомашин нь евро тав стандарт бөгөөд 400 морины хүчин чадалтай юм.