NBA лигийн дөрвөн удаагийн аварга, холын зайн шидэлтийн рекордыг эзэмшигч "Голден Стэйт" багийн холбогч Стефен Карри 2023-2024 оны улирлын "Clutch Player" шагналын эзэн боллоо. Тоглолтын шийдвэрлэх мөч буюу сүүлийн таван минутад таваас бага онооны зөрүүтэй яваа үед авсан оноо, амжилттай болгосон довтолгоо, холын зайн шидэлтээр тэргүүлж уг шагналын эзэн болжээ. 

Түүний хувьд энэ улиралд тоглолтын сүүлийн таван минут болон нэмэлт цаг гаргасан тоглолтод 189 оноо авсан байна. Түүний араас Буллсын Демор Дерозан, Тандерын Шей Гилджес-Александер нар бичигдсэн байна. Стэф энэ улиралд 26.4 оноо дунджилсан.