Булганы Дашинчилэн, Дорнодын Матад сумын нутагт гарсан түймрийн улмаас 5,002 га талбай өртжээ. Булган аймгийн Дашинчилэн сумын нутагт өчигдөр буюу  энэ сарын 11-ний 12:46 цагт гарсан  хээрийн түймрийн дуудлагаар Онцгой байдлын газрын Дашинчилэн сум дахь Эрэн хайх, аврах бүлгийн алба хаагчид, Дашинчилэн сумын Засаг даргын Тамгын газрын  ажилтнууд, орон нутгийн иргэд ажиллаж өдрийн 15:20 цагт унтраажээ. 

Мөн Дорнод аймгийн Матад сумын нутагт 14:12 цагт гарсан дуудлагаар аймгийн Онцгой байдлын газрын Гал түймэр унтраах, аврах 52 дугаар ангийн алба хаагчид Матад сумын Засаг даргын Тамгын газрын ажилтнууд үүрэг гүйцэтгэж шөнийн 21:50 цагт унтраасан байна. 

Ойрын өдрүүдэд ихэнх нутгаар салхи, шуургатай байх тул ой, хээрт явахдаа галын аюулгүй байдлыг хангаж, түймэр гарах эрсдэлээс урьдчилан сэргийлэхийг анхааруулж байна.